元富因英年早逝，兒子還小，親友又不多，加上經濟不是很寬裕，所以他的喪事只能從簡。但在福生哥運籌帷幄、以及親友拋棄會傳染的成見下，出殯的場面雖然不是很壯觀，卻也差強人意。村人也扶老攜幼來送他一程，九泉下的元富足可瞑目了。
「福生兄，元富若是無汝湊相共，我看伊的棺材這陣抑擱囥佇廳邊，擱等十日八日嘛無才調通共扛出去埋。」出殯過後秋霜感慨地說。
「袂啦，袂親像汝想的按呢，若是真正不得已，村長也會出面來湊跤手。」福生哥說。
「村長雖然來過，毋拄伊驚去予傳染著，每一次攏是用手巾摀鼻孔入來的，講無三兩句話就趕緊欲走，十分的勉強。尤其辦喪事會使講雜工誠濟，擱較簡單也著依照傳統的禮俗。福生兄，汝已經逐項想著啦，辦了誠好勢，予我相當的感動。若是元富地下有知，也會感激汝的。雖然伊得到的是會傳染的肺癆，但是傳染力嘛毋是親像一般人想的彼呢驚人，毋拄抑是有真濟鄉里人不敢靠近，又擱用一對無仝款的眼光來看待，實在予我誠傷心，也看出人情的冷暖。」秋霜紅著眼眶說。
「汝毋免傷心，也毋免怨嘆，這種代誌就是當今社會普遍的現象。總講一句，社會現實、人情淡薄！雖然元富彼早就過身，予人誠毋甘。毋拄有時看著伊手壓心肝頭，一直嗽、一直嗽，嗽袂停彼種痛苦的樣，實在予人替伊甘苦。講一句對伊較不敬的話，既然已是肺病第三期，看擱較濟的醫生，食擱較濟的藥，也好袂起來，抑不如早日解脫早日快活。活落去拄了增加家己的痛苦，也予伊的家內承受真濟的苦難。」福生哥說。（六）