秋霜難掩內心的興奮說：「感謝汝較早對（亻因）的照顧，兩個兄弟仔才有今仔日的成就。」
「是（亻因）家己努力拍拚的成果，出這款好囝兒也是一種福報，我先共汝恭喜！」福生哥說後不禁想，才短短的幾年間，兩兄弟竟然能在台灣賺大錢，一寄就是五十萬，台灣錢真的有那麼好賺嗎？即使他有如此的疑問，但他們兄弟寄錢回家則是不爭的事實，豈容他懷疑。
「（亻因）講古厝若修理好，欲倒來請人客，時到汝著共我湊相共。」秋霜看看福生哥，以懇求的語氣說。
「這點汝毋免煩惱，時到我才來去揣管饡開菜單，然後來去街路辦貨，絕對袂予汝漏氣。」福生哥保證地說。
「若是按呢我就放心啦。」秋霜嘴角掠過一絲燦爛的微笑，興奮地說。
「（亻因）敢有講啥物時陣欲倒來？」福生哥問。
「時間抑未定，可能無彼緊，著等厝修理好。福生兄，修理厝的代誌，也是著靠汝湊相共。我家己一個查某人，無彼個才調啦。」秋霜實說。
「隔壁莊有一個塗水師，伊有二三十年起厝的經驗，工夫袂歹，嘛誠起工，咱會使先叫伊來看覓。」福生哥建議說。
「我看也是著拜託汝行一逝，代誌才有一個起落。不時磨汝的工，歹勢啦。」
「逐家攏是幾十年的好朋友，無啥物通歹勢矣。我才揣一個時間來去塗水師（亻因）兜，佮我伊講看覓。」
「修理古厝佮請人客的代誌，無汝共我湊跤手，是無法度通辦好勢的。福生兄，我實在誠感謝汝。」秋霜由衷地說。
「無彼嚴重啦，無我，抑擱有別人。我只是負責行跤爾爾啦。」福生哥不在乎地說。
（二二）