「咱的交情無仝款，若是揣別人，我袂放心。」
「好啦，既然汝信任我，我會共這兩項代誌辦予好勢，絕對袂予汝歹看，汝毋免煩惱啦。」
「福生兄，雖然咱有幾十年的交情，汝也共我湊相共真濟，三不五時仔嘛買肉買魚來予阮食。志清佮志勇也予汝照顧有著，除了共（亻因）關心，又擱提錢予（亻因）讀冊，但是汝從來毋別咧阮兜啉一喙水，予我感覺誠歹勢。」
「毋免想想彼濟啦，囡仔大漢捌想又擱爭氣上要緊。但是汝也毋通袂記的，（亻因）兩個兄弟仔若倒來，第一著叫（亻因）先去拜祖公，若無祖公祖嬤的保庇，就無通親像今仔日一寄就是五十萬箍，欲予汝修古厝佮請人客。」福生哥心有所感地說。
「囡仔捌想就好，總算我這個歹命的老母，無白飼（亻因）。」秋霜微微地笑笑，內心的喜悅不言可喻。
「按呢好啦，我這陣先來去揣塗水師，看伊啥物時陣有閒。」福生哥立即行動。
「汝共塗水師講，愈緊愈好，看著怎樣算攏袂要緊，逐家跋信用的。」秋霜囑咐著說。
「會啦，我會盡量共伊拜託。」
「按呢我就安心啦。」（二三）