尤其秋霜兩個囝已經大漢會趁錢啦，若是予（亻因）囝知影，（亻因）囝敢會接受。總講一句，食老才來湊，是咧加歹名歹聲矣。」陸嬸仔不屑地說。
「聽講（亻因）兩個囝佇台灣趁真濟錢，一次就寄五十萬箍倒來，秋霜才有錢通修舊厝。」玉蕙嫂說。
「台灣所在大，雖然較好趁食，毋拄（亻因）兩個囝才去台灣無幾年，敢講有通趁彼濟錢。五十萬箍毋是一筆小數目啊，我實在有淡薄仔懷疑。」阿美仔說。
「懷疑規懷疑，錢已經寄來囥咧（亻因）兜佇摸燒啦，秋霜舊厝也已經咧翻修啦。總講一句，是（亻因）的本事！」陸嬸仔說。
「講起來嘛是有影，各人有各人的本事，（亻因）囝趁大錢是（亻因）囝的本事，秋霜食老才去綴福生仔，嘛是伊的本事。」玉蕙嫂說。
「若是憑家己的實力佮勞力趁大錢，才是真本事；若是去偷人、搶人、騙人，彼款叫著僥倖失德錢，趁擱較濟也無路用。阿美仔伊講有淡薄仔懷疑，我嘛有這款感覺。秋霜若真實咧綴福生仔，若予（亻因）囝知影，一定會舉狂。」陸嬸仔說。
「福生仔彼老啦，彼支敢抑擱會用的？」阿美仔笑著說。
「會用的抑是袂用的，汝去予試看覓就知影。」玉蕙嫂取笑她說。
「夭壽玉蕙，汝毋通講講彼力（犭肖）話，福生仔欲試的是秋霜，毋是我啦。」阿美仔辯解著說。
「汝減秋霜幾落歲，比伊少年真濟，身材嘛比伊好幾落倍。汝家己去照鏡照看覓，看汝奶大尻川翹，面肉擱幼綿綿，若予福生仔看著，一定會共秋霜踼一邊，共汝攬條條。」玉蕙嫂笑著說。
（二六）