「夭壽玉蕙仔，汝毋通愈講愈毋是款，毋驚喙去予歪去！」阿美仔瞪了她一眼說。
「阿美仔，玉蕙伊無講毋著，秋霜佮汝袂比的啦。講實在的，綴著福生仔嘛袂歹，伊即陣無啥物就是有錢，若是綴著伊欲啥物、有啥物。伊經常買魚買肉予秋霜食，鄉里人逐個攏嘛知。汝若是佮伊相好，毋免驚無魚肉通食。」陸嬸仔笑著說。
「陸嬸仔，汝實在愈老愈番癲，別項會使滾笑，獨獨這項毋通滾笑，若講予阮翁聽著，彼聲就知死！」阿美仔有所顧慮地說。
「驚啥物，汝毋是一日食飽閒閒，愛講人東、講人西。連福生仔彼支會用抑是袂用，汝嘛講會出喙。予汝家己講，恁翁敢有通不時買魚買肉予汝食？」陸嬸仔正經地說。
「我食素啦，魚肉我毋敢食，所以毋免去綴伊。恁敢無看著，秋霜食魚食肉嘛是食袂肥，可能是福生仔日也欲用、瞑也欲用，用傷傷重才會食袂肥啦，講起來嘛是可憐。」阿美仔說。
「汝也毋是（亻因）瞑床跤的銅鼎，物代會知影福生仔日也欲用、瞑也欲用，用傷傷重？」玉蕙嫂說。
「我用猜的啦！」阿美仔說。
「汝彼支喙就是愛亂亂講、頭殼愛亂亂想，若是講毋煞，有一日予秋霜知影，汝皮著繃較緊的，若無，伊一定會共汝搧落去。」陸嬸仔提醒她說。
「我才無咧驚，伊去徛福生仔（亻因）兜眾人知影，暗時兩個是毋是有睏仝一張眠床，是毋是有相好，逐個攏嘛會使懷疑的。尤其是一個死翁，一個某綴兵仔走，兩個攏嘛哈誠久，這種代誌敢會假的。總講一句，孤男寡女徛湊陣，若無佇眠床項咧搬猴戲，是咧騙（犭肖）矣。」阿美仔理直氣壯地說。（二七）