「阿美仔，汝毋通彼夭壽，講講一屑仔五四三的。若予福生佮秋霜聽到，一定袂放汝煞！」陸嬸仔再次提醒她說。
「陸嬸仔，莫假啦！咱三個攏有講（亻因）的閒仔話，毋偌我一個。敢講汝毋承認，想欲做好人？」阿美仔不屑地說。
「阿美仔，咱是咧講笑，汝毋通共阮拖落水。」玉蕙嫂說。
「恁兩個敢講擱驚死，秋霜若是揣我算數，恁兩個也袂走袂閃的。我一定會共伊講，恁兩個也有份，欲死逐家死！」阿美仔警告她倆說。
「汝若是敢共阮兩個拖落水，咱就絕交！」陸嬸仔警告她說。
「敢講又擱驚死！親像恁這款人，一點仔氣魄也無，絕交就絕交，無啥物希罕啦！」阿美仔怒氣沖沖地說，說後轉頭就走。
「阿美仔，汝莫按呢好無。」玉蕙嫂想當和事佬。
「莫管伊，伊走就走，佮這種人湊陣無意思。」陸嬸仔說。
「福生佮秋霜，應該毋是像伊講的按呢才著。」玉蕙嫂說。
「講別項袂要緊，講福生佮秋霜兩個咧湊，實在有淡薄仔過份。若是兩個有意愛，老早就變一家人啦，物代著等到今仔日食老才來湊。阿美仔彼支喙若欲亂亂講，早晚會食虧。」陸嬸仔說。
「俗語話講：『言多必失』，我看咱以後嘛毋通擱講講彼五四三的，若無細膩講毋著話，一定會得罪人，逐家攏是鄉里人，何苦咧！」玉蕙嫂後悔地說。（二八）