「我有拜託福生伯仔共咱湊相共，我相信伊會共咱辦甲誠好勢。」秋霜說。
「物代逐項攏著揣福生伯仔，敢無別人通揣？」志勇說。
「鄉里代誌攏是伊咧攬頭，別人無才調啦！」秋霜不悅地說。
「我毋相信！若是有錢，毋免驚無人通湊相共。福生伯仔從較早就是專門咧賺食鄉里的好歹代誌，毋知從中賺食偌最，我看鄉里真濟人知影。這擺咱請人客，毋通擱予伊攬頭啦。」志清說。
「恁講怎樣就怎樣，恁欲揣啥物人來攬頭，我這個不中用的老伙仔攏無意見，予恁兄弟仔家己去拍算！」秋霜不屑地說。
「大不了來去叫菜館，有錢毋免驚無好料通請人食。除了大魚大肉，嘛欲予親情五月佮鄉里人啉甲馬西馬西。」志清神氣地說。
「阿母，聽講咱修理古厝的時陣，汝搬去福生伯仔（亻因）兜睏，敢有這種代誌。」志勇質問她說。
「有啦，我有共福生伯仔借一間櫸頭仔來睏。」秋霜據實說。
「福生伯仔是查甫，汝是查某，孤男寡女睏仝一間厝，敢毋驚會予人講閒話。汝物代毋去共別人借、睏別人（亻因）兜，偏偏欲去佮福生伯仔睏仝一間厝，阮兄弟仔予人講甲到面啦，汝敢知？阮兄弟仔的面子予汝這個老母削了了，汝敢知？」志勇又說。（三六）