(前記：細漢老母有教示，做人著要別道理，不對的代誌，傷天又害理，天公伯仔未歡喜。阮阿母名叫做「明治」，雖然伊別沒多少字，但是伊做人真正有照天理，三不五時，就會給阮講一掛做人的道理。這首詩，意思是伊，在這我偷偷給伊寫出來，順序獻給伊，希望伊聽得會歡喜，不倘因為我沒在伊身軀邊，就鎮日想得眼屎滴；若是有眼屎，嘛是要給我這做人子兒，來替你。)

　 現主時啊，大家隴嘛在講民主政治

選舉的戲棚搭落去

阮就來去看戲

看誰人值矣阮戛││「蓋」給伊！



　 有人親像臭耳郎

吃飽閒閒不震動

這款候選人啊，勿湯啊勿湯

有人鎮日想空想縫

想戛自己厝裡的銀山一甕又一甕

這款候選人啊， 勿湯啊勿湯

有人親像黑煙膛

會戛阮的子孫染著變黑郎

這款候選人啊，勿湯啊勿湯



　 番薯若欲香就要會享烘

政治若欲好就要選對郎

大聲戛問伊啦，政見有幾項？

勿湯再拿一掛舊錫歹銅

想要再來給阮哄

大聲戛問伊啦，做會到有幾項？

勿湯會吃未做終歸尾啊嘛是沒睬工

給阮顛倒越失望



　 金門人啊金門人

金門人啊金門人