看著汝 筆記簿仔，抄寫阮的電話佮住址，心肝頭認定汝是做勢爾爾！轉來台北結束歇假１的日子，無離手的工課２，予阮早就記得發生過的代誌。一直到電話聲響起，電話中傳來汝的名字，煞害阮佮汝的緣分拆開。

唉唷喂呀！生活中開始會猶豫，是卜等待汝的電話抑是敲予汝？阮是查某囡仔當然愛堅持，不拘目珠仁煞定定釘佇電話頂，唉！歸腹肚的話卜共汝講，電話哪攏恬寂寂無半聲，害阮的心情亂糟糟，親像 ３十五個水桶上水，起起閣落落。聽著電話的耳真雷４聲，三步當做兩步行， 起電話貼心肝，想卜放輕鬆，雄雄嗍一口氣，按奈噗噗喘的心肝，才勻勻仔開喙含汝開講，汝不知即時陣阮的心肝頭有偌爾歡喜。

歇假轉來金門，猶原等待汝的電話，等待卜共汝相會。接著汝敲來的電話，講卜相見愛阮佇厝裡等待，聽勿會得汝的聲，才輕輕仔共電話放落來，開始想像汝駛車出門，車輪駛過榮湖，看見有人佇釣魚、散步兼運動，駛過斗門的田園，水龍仔旋來旋去咧噴水，做穡人５又閣開始種作囉，駛過了高坑、中蘭遐彎彎斡斡的路，漸漸地接近平林來到阮地門跤口！感覺汝拄咧 電鈴，阮趕緊拍開大門來看覓，為怎樣汝猶勿會來？一條電話線，共阮的心綁得恆恆恆！

無願予阮為了等電話佇操煩，汝特別交代，若是思念汝會使敲電話尋汝。阮煞照三頓敲電話，早起時morning call叫汝起床，中晝時喝汝去食飯，暗暝唱一首晚安曲，向望汝睏卡飽眠無「熊貓眼」。因為無法度相見，只好借電話傳達咱的心意，情話閣卡厚嘛無感覺喙 ６。

一條電話線，變成牽姻緣的紅線，不管兩人的距離有偌遠，攏嘛會牽做伙。不管汝佇地球的西爿抑是東爿，一通電話處理啊好勢好勢！到今，阮抑是定定用電話，無論汝佇佗位，敲電話相招汝就來，駛車來載阮轉去汝的身軀邊。

註：

1. 歇假：休假。

2. 工課：工作。

3. ：提。

4. 耳真雷：打雷。

5. 作穡人：農夫。

6. ：累。