舊年（2005年）歸半年，汝的心攏咧想卜換—個新大門。

汝講：「大門老舊又閣離離落落，愛來換—門新的。」

我講：「紅漆大門有30年的歷史，也不是卜嫁查某仔、 新婦，趕緊換大門做啥乜？」

汝講：「大門卜換，圍牆也愛舖文化磚來美化，遐的烏點佮 青苔看得心真煩。」

我講：「愛含厝邊隔壁相仝（sang sang5），才勿會 予人感覺奇怪，干礁 外面嫷 有啥乜路用？」

汝講：「天井的盆栽、石條嘛愛徙走，做一寡仔新鐵架來囥盆栽。」

我講：「石條徙（sua ）走卡容易，歲月痕跡就無法度清除。」

汝講：「紅門頂頭海砂簾簷愛 掉 ，伊親像頭殼戴—個鐵皮的老妖怪。」

我講：「伊予咱遮風避雨三十年，共伊毀掉，親像無戴帽子的光頭雨來就淋甲滿身澹糊糊 。」

汝講：「我有一千個理由換新門，汝有一萬個理由來反對，真是冤家量債7，吵勿會煞 。」

我恬恬無閣講話，我不愛閣來車拚，我真驚做大改變，我實在無時間，無氣力去想「換大門」即件大代誌，不過，你一點都不死心，一直請人來看、來量，

汝若講予我聽，我就閣再破喙 一遍，閣再吵一遍。咱翁仔某就按爾吵吵鬧鬧一遍閣一遍，結婚三十二年冤家、鬥喙鼓的總次數也不今年相冤的一半。

今年過年前半個月，有一日，我下班轉來，一扇新銅色大門擋佇門口，我歸個人攏戇神戇神，我共伊看看咧，我共伊拍拍咧，閣有一點沉重的回聲，親像咧對我講：「你看，贊乎!」，伊真正結實，真正厚，真正會當擋得大風大雨，我舉頭看頭殼頂，迄個綠色圓型的遮雨棚，艷麗擱醒目，親像展耀地說：「我也會當為你遮風避雨，安啦！」，兩大條石條倒佇銅色的大門兩爿 ，玫瑰花、茉莉花、茶花佮綠色盆栽，佇伊的頂頭歇睏，親像咧講：「滯遮真好」，文化石也已經整齊又巧嫷 、巧嫷的貼佇圍牆。當我舉頭看到門楣頂三個金色大字「四知堂」 時，我知影，我輸矣。尤其看三隻厝鳥佇簾簷 頂跳來跳去，還不斷的說：「遮『就』『就』『就』『就』」是阮兜」，我輸甲塗塗塗。

最近阮若是聽著有人經過阮兜時講：「這是啥人兜， 爾 嫷！」汝攏會予我一個「汝看！“啥人”著？」的表情。

註解

1.佮（ka）：和

2.勿會（bue3）：不會

3.干礁（kan nah ）：只是；只有

4.嫷（sui ）：美麗；漂亮

5.　 （theh ）掉：拿掉

6.澹糊糊（tam koo koo ）：溼答答；濕透了

7.冤家量債：兩人愛相罵、吵架，尤其只夫妻之間爭吵不斷。

8.勿會煞：不停

9.破喙：說反對的意見。「喙」：嘴巴。

10.兩爿（ping ）：兩邊

11.巧嫷：精巧美麗

12.「四知堂」：金門縣湖下楊氏堂號，其先人為官時以天知、地知、你知、我知—四知來拒絕別人的賄賂，後代子孫欽敬祖先的廉潔，故以四知堂為堂號。

13.簾簷：屋簷

14.　 爾（cia ni ）：這麼

後記：

位於金城新莊的房子已經有三十二年之屋齡，其中整建過兩次，由於外子楊先生的惜福愛物，改建時總是因地制宜，遷就原來之格局及形式，不肯做大幅度的徹底改建，因此總是—段時間後，又發現這兒不好，那兒壞了，這兒應該再做個什麼，那兒應該再弄個什麼，鄰居覺得我們常常在修理房子。外子退休後，常去游泳，和建商呂榮平先生互動機會比較多，呂先生見多識廣，為人殷實，常和外子談房屋的事情，談金門目前所使用的建材，也帶外子去看幾家改建非常成功的案子，讓外子非常羨慕，由於金城新蒞社區整建地很美觀，他又心動要配合再修理一次門面，我則由於無暇顧及，深怕又是歷史重演，所以百般反對，要他等我退休後再一起規劃，他則迫不及待的要自己搞定，所以就引發了多次的爭執吵架，幸好很成功，做得很不錯，我沒出過什麼力氣，就可坐享其成，不知道這是輸還是贏！