「汝毋免恐嚇我，我袂予汝嚇驚的啦，鄉里人尻川有幾枝毛，逐家攏嘛知知的！我凊糜食飽飽佇等恁，看恁是欲怎樣！但是我勸汝嬸婆，老著認老，毋通管傷最，按呢才袂傷身傷感情。若無者，歹看的可能是汝這個老歲仔，毋是阮母仔囝！」狗屎嬸仔不屑地說。
「阿母，就是按呢，毋免驚（亻因），看（亻因）欲怎樣隨（亻因）便，若是欲相拍，咱袂拍輸（亻因）啦！攏是這隻夭壽塗猴害的，無想一個生了親像猴地天，竟然無秤看家己有幾兩重，敢來予人招！」春嬌大言不慚地說。
「既然汝嫌伊生了親像猴地天，物代會佮伊大腹肚？汝講這款話敢毋驚予人笑！查某人著留一點仔口德，毋通凊彩講講的！」來福嬸婆憤怒地說。
「是彼隻死塗猴強強共我強的，才會予我大腹肚！」春嬌辯解著說。
「敢真實是按呢？翁仔某是合法的夫妻，欲生囝敢著用強的？汝若是毋，伊敢敢強強欲？汝若無家己脫衫脫褲，伊是欲怎樣強汝咧？」來福嬸婆質問她說。
「伊出力共我壓囥塗跤，然後共我脫衫脫褲，強強欲啦！」春嬌據實說。
「既然是翁仔某，物代眠床毋睏欲睏塗跤？汝已經是大人大種，毋是三歲囡仔，汝若是毋，物代毋反抗，毋共伊推走，欲隨在伊？汝若是毋，伊敢會強強欲強汝？汝毋通想欲替家己辯解，騙我這個毋捌字的老歲仔！」來福嬸婆疑惑地說。（一九）