按Enter到主內容區
:::
:::

【小說連載】 塗猴

發布日期:
作者: 陳長慶。
點閱率:1,067
字型大小:

  「總講一句,咱兩個老歲仔攏該死,死是早晚爾爾,無啥物大不了的代誌。毋拄這陣看著因翁仔某彼呢恩愛,戇孫嘛一日一日膨膨大,傳宗接代已經有人啦,祖公祖嬤嘛有人通祭拜。若是這陣目睭閉落,四跤伸直,予人扛去埋,也無啥物通怨嘆矣!」狗屎嬸仔自我安慰地說。
  「講起來也是有影啦,若是彼呢好死,嘛無啥物通怨嘆矣!但是趁咱抑擱活佇世間的時陣,咱著記得,也著提醒囝孫,看人毋通拄拄看外表,查甫囝規規矩矩搰力拍拚較要緊;查某囡仔賢慧會曉理家才是一個好家內,毋通一日到暗大聲細聲,哭爸哭母、枵飽吵,毋爾無成一個家,又擱會予厝邊頭尾看笑話。」狗屎叔仔意有所指地說。
  「我知影汝是佇講我,可能是細漢阮爸母無共我教好勢,才會養成我這種目中無人的個性,這陣講起來實在誠見笑,也對汝誠歹勢。好佳哉我嫁著汝這個好翁婿,啥物代誌攏讓我,無咧佮我計較,別人講汝驚某,汝也笑笑。今仔日已經食到這種歲聲,對較早做毋著的代誌,有需要來反省,才袂予人記一世人。若是死後留一個歹名聲,嘛予囝孫無面子。」狗屎嬸仔認真地說。
  「鄉里人逐個攏嘛講我驚某,我頭殼搖搖擱笑笑,實際上我毋是驚汝,是毋愛佮汝計較。翁仔某若是一日到暗大聲細聲咧相嚷、相觸,袂曉通欲相讓,會予人笑死啦!講一句無輸贏的,驚某是笑我一個,相嚷是笑咱兩個,所以我一個予人笑就好,毋通兩個攏予人笑。」狗屎叔仔笑著說。
  「這世人會使講予家己的個性害害死,對汝實在誠歹勢,差一點也共春嬌拖落水,若是塗猴忍耐袂條拄伊走,這個家就散了了。上福氣的是因兩個已經和好,若是共咱加生幾個仔孫,咱這個家族一定會興旺。」狗屎嬸仔頓了一下,又期待著說:「俗語話毋是講,多子多孫多福氣啊!」(五二)

  • 金城分銷處
    金門縣金城鎮民族路90號 金城分銷處地圖
    (082)328728
  • 金湖分銷處
    金門縣金湖鎮山外里山外2-7號 金湖分銷處地圖
    (082)331525
  • 金沙分銷處
    金門縣金沙鎮官嶼里官澳36號 金沙分銷處地圖
    0933-699-781
  • 金寧分銷處
    金門縣金湖鎮武德新莊118號 金寧分銷處地圖
    0910334484
  • 烈嶼分銷處
    金門縣烈嶼鄉后頭34之1號 烈嶼分銷處地圖
    (082)363290、傳真:375649、手機:0963728817
  • 金山分銷處
    金門縣金城鎮民族路92號 金山分銷處地圖
    (082)328725
  • 夏興分銷處
    金門縣金湖鎮夏興84號 夏興分銷處地圖
    (082)331818
回頁首