如今逐擺佮多桑遙遙相看，常常只有靈骨塔位，透明櫥窗反射出來的目屎痕跡，是我日日、夜夜圍繞，多桑的形影。
逐冬，九月三日軍人節，我閣想起多桑去成功嶺看我的那一工。
三十幾冬前，剛考得大學的新鮮人佇暑假期間要先到成功嶺受訓，阿母佮其他人家屬仝款，逐禮拜日閣會到那裡「面會」我。
多桑無閒工作，攏是逐擺、逐擺缺席，只有鍥而無捨的阿母，靠著識字無濟的問東、問西來轉車坐車，透過著熱心人士的嘴舌去問路佮阿母的堅強，來「面會」我。
那冬93軍人節，非民間假日，成功嶺營區的軍官兵攏留佇營區歇睏，我們嘛停止了所有軍訓課程。因為安那特別休假的方式。
那一工，來「面會」的人自然特別少，但是，多桑那工撥空趕來了，予我超驚喜的，拿什麼物件予我，我袂記了，只記得多桑離開的時陣，我收下了他日夜奔波的背影，目屎攏總無聽話，自覺地，喙唇，慢慢地讀出了朱自清的文章〈背影〉，佇那個特別的透早，佇那冬，93軍人節的透早。
如今，佮多桑遙遙相看，常常只能隔著靈骨塔位，透明櫥窗折射出來，我流袂煞，一跡、閣一跡的目屎的腳跡了。