語言，我感覺是「有用有機會」，啥物機會咧？較袂「拍毋見」的機會。
毋過，嘛毋是有講就好，有時陣愛寫落來，嘛愛共「著的音」記落來，若無，你講按呢，我講按呢，佗一 个才是著的？尢其是拄著強欲「消失」的生活語言，較少人欲用，毋過彼就是咱的特色，敢毋是咧？
逐家先試看覓「加減講」、較捷講，當然有的時陣，其實咱是拄著啥物人講啥物話，總是有用有機會，有機會予咱慣勢用的話一代一代傳承落去，足濟祖先的智慧佇內底，向望逐家會使好好仔疼惜。