虎嬸仔瞪了他一眼罵說：「夭壽死囡仔，囡仔人有耳無喙，正經的無半撇，拄會曉揀蔥撒油、嫌東嫌西。好命喔，古早人平常時撖有一塊肉通食。」
秀香打圓場說：「阿娘講的無毋著，古早人實在真艱苦，三頓攏嘛食袂飽，想欲食一塊肉撖有彼簡單。所以今仔日咱著感謝阿娘，炒這盤芳絳絳的蒜仔炒肉予咱食。」
大箍呆笑著說：「咱三個食米粉就好，蒜仔炒肉佮燉肉留予阿娘沓沓食，毋通佮伊相爭食，那無者，會予人講咱不孝。」
虎嬸仔焉有聽不出他話中的含意，扳著臉不屑地說：「夭壽死囡仔咧，今仔日是恁小妹十二日來作客，我煮這好料，是欲請恁妹婿佮小妹食，汝毋爾大主大意，嘛無共我看佇目睭內，叫因毋通佮我相爭食，欲留予我沓沓食，親像我這個老伙仔誠枵鬼。總講一句，汝這個夭壽死囡仔毋通假有孝啦！」
大箍呆被母親數落並沒有生氣，心平氣和地說：「我毋是假有孝，是誠有孝，小妹佮妹婿會使共我作證明。」
虎嬸仔不悅地說：「有孝是汝家己咧講矣！汝一日到暗，無物無代，嫌東嫌西，揀蔥閣撒油。汝這個夭壽死囡仔，明明欲共我氣予死汝才會快活，是毋是？」
秀香安慰她說：「娘，汝毋通受氣啦，阿兄伊一定會有孝汝。」（一二六）