而長年的兩岸軍事對峙，九三砲戰後是八二三，八二三後則是今天的六一七，在這三場戰役中，不知造成多少居民傷亡，不知多少人無家可歸，簡直讓人民生活陷於泥沼和炭火之中。或許叫天、叫地、叫祖宗也起不了作用，這不僅是時代的悲劇，也是島民的無奈和悲嘆。
善良的鄉親無不冀望和平，甚至寧做太平犬，也不做亂世人，這毋寧就是他們此時的想法。可是距離清平的日子還很遙遠，百姓還要承受多少苦難則不得而知。只希望共軍能良心發現，把砲口轉向，讓善良的島民不再遭受砲彈的施虐，讓他們能過一個太平盛世的幸福時光，而不是在轟隆轟隆的砲火煙硝中求生存。
晚飯過後，只見戇姆婆手提著一個小籃子，裡面有地瓜和地瓜簽合在一起煮的晚餐，還有碗筷和一小碗豆豉，步履蹣跚地來到金溪放置屍體的大樹下。然後把籃子放在一邊，走到秋菊身旁，緊緊地握住她的手，滿懷不捨地說：「我知影妳這陣誠傷心，看到金溪去予夭壽共匪的大貢拍成這樣，我心肝內也真甘苦，毋知欲用啥物話來安慰妳才好。總講一句，囡仔抑擱細漢，未來的路抑誠長，妳著拭焦目屎，保重身體，面對這個不幸的遭遇，才有氣力行擱較遠的路。」
秋菊淚水汪汪地說：「感謝姆婆體恤我的苦衷，答應來佮我作伴，予我毋免家己一人會驚嚇。我嘛有去四界拜託人，逐家攏知影金溪受的是重傷，死後目睭又擱毋願合起來，會使講是心有未甘、抱恨去死，看起來實在誠恐怖。加上夭壽共匪的大貢拍無停，隨時隨地攏會有危險，才會沒人敢來佮我作伴。但是妳無一點仔顧慮，連鞭就答應，實在予我相當感動。金溪會無緣無故去予砲片拍死，可能是伊的壽命該終，香火擱卡興旺的神明也無法來救伊，遑論是咱這凡俗的人。身為伊的家內，無認命也袂煞矣，阮母仔囝會好好活落去，請姆婆毋免替我擔心！」
戇姆婆聚精會神地聽她說完，然後指著一旁的鍋子說：「按呢就好，會曉按呢想就好！鍋內有安茨糜，趁燒緊去食，腹肚才袂枵。」
秋菊紅著眼眶說：「我這陣實在食袂落。」
戇姆婆愛憐地說：「戇囡仔，我知影妳這陣誠傷心，但人死是袂擱活起來，所以妳著認命，也著堅強，擱卡著看予開，千萬毋通相過傷心，造成家己的痛苦。天已經晚啦，妳無吃一點仔物件是袂使矣，若是枵過更，會頭暈目暗無氣力。聽姆婆的話，趁燒緊去吃，囡仔予我來抱。」
（一二）