阮安嬤煮的菜有鹹甜，有夠好吃，我細漢的時陣，攏是安嬤飼大漢，媽媽什麼菜攏勿會曉煮，我的胃口只有安嬤才知影。

清明若到仔，安嬤一定會煮真濟拭餅菜，拭餅菜著切仔幼微微的，而且不能炒太久，若炒太久就不好食了，我不敢食蚵，所以安嬤煮的拭餅菜，蚵仔只有放淡薄仔爾爾。

五月節若欲到了，愛划龍船，安嬤亦會綁肉粽，安嬤綁的肉粽比外口賣的較好食，外口賣的不是傷鹹著是傷汫，安嬤綁的肉粽拄仔好，料濟味芳，肉大塊，只有阮地才有，外面是買勿會到　。

安嬤猶有一項「獨門手藝」就是炊鹹粿，若是欲過年兮，隔壁的阿婆，攏會拜託安嬤加炊幾個仔予伊，鹹粿的做法佮蘿蔔粿相同。若是欲食著用煎，先共鹹粿切片，用小火慢慢煎，愛會記得油勿會使放傷濟，共表面煎也金黃色，就是一道外酥內Ｑ的人間巧味，比蘿蔔粿好食幾囉倍。

安嬤的手藝比「五星級廚師」較合我的口味，安嬤會做好食的料理，亦是一個營養師，伊會絞果汁，炕石花，磨豆漿、燉補品，時時刻刻注意一家人的健康，做出健康的菜，予一家人食出健康的身軀，安嬤真敖力，真辛苦也真偉大。