「你講的無毋著，」鳥鼠清仔認同他的說法，「這陣嘛有人娶印尼佮越南的查某來做某，雖然起初咧講話有淡薄仔袂輾轉，但是經過一段時間了後，咱的話攏嘛講佫嗄嗄叫，對序大人嘛真起工。若是娶著福建閩南這角的查某，除了言語會通外，誠濟民情風俗嘛仝款，會擱較好湊陣。娶外地查某來做某，袂比咱兜的查某較差啦！當然，該己的目睭也著展較金的，嘛是有一屑屑仔毋成查某專門咧騙人的。」
　　「講著騙，我是過來人，無騙人已經真衰潲啦，敢擱予人騙會去！」
　　「你彼套小把戲已經袂時行啦！」鳥鼠清仔不屑地，「你較早所騙的毋是恁老爸，著是咱的鄉親佮你的親情朋友，錢無講誠濟才予你騙會來。這陣的社會已經變款啦，啥物出頭攏有，騙人的手法擱較高明，予咱想袂到。」
　　「講著較早欲食毋討趁，又擱東騙西騙、跤筊相拍，予阮老爸無面通做人，這陣想想的，實在見笑擱幼稚。」貓仔馬俊感慨地說：「雖然我已經改過，但是咱的鄉親，嘛是共我過去所做的歹事志，記咧心肝內。尤其是阮老爸叫媒人四界欲共我做親情，逐個攏嫌我過去是歹囝，毋敢共查某囝嫁予我。老歲仔想欲抱孫的願望到這陣抑無法度通達成，予伊誠失望。我過去的所作所為，除了該己感覺見笑外，嘛真對不起伊。」
　　「過去的事志煞煞去啦，毋免擱去想伊。」鳥鼠清仔開導他說：「毋通袂記的，你是孤囝，恁老爸已經赫爾老啊，我看伊趕緊欲共你娶某，毋是想欲抱孫，是欲替恁楊家傳宗接代、延續香火，才是伊真正的目的。老歲仔的心情攏仝款，咱體會會出來。」
　　貓仔馬俊點點頭，認同他的說法。
　　「你若是對大陸查某有興趣，看欲該己揣，抑是欲叫人介紹，相信真緊著會有結果，以後毋免擱『無某真艱苦，食糜配菜酺』啦！」
　　「你看妞妞彼個查某囝仔怎樣？」
　　「西洋目鏡隨人佮目啦！」鳥鼠清仔雖然不置可否，但毋忘提醒他說：「咱袂使講所有的趁食查某攏是歹查某，有的是受家庭環境所逼，才會落海去趁食；有的是愛慕虛榮，一日妝 、穿 ，用伊的肉體去換金錢。若是娶著前者，只要兩人相意愛，伊一定會佮你同甘共苦過日子；若是目睭展無金娶著後者，除了共你的錢騙了了，擱會跟人走。你若是佮意妞妞這個查某囝仔，抑是著稍觀察、稍瞭解，毋通親像三代年毋捌看過查某，一次著眩船。」
　　「袂啦，我是咧講笑啦。」
然而這句話言猶在耳，翌日夜晚，貓仔馬俊背著鳥鼠清仔，獨自一人乘坐計程車，按址來到這家小賓館，當他站在櫃台前時，已沒有初來時那種窘態。他直接告訴櫃台那位穿著入時的婦人說：
　　「我欲歇睏，拜託叫妞妞來。」
「你先去彼間等，妞妞十五分鐘後著到。」婦人指著二號房間說。