掃一掃，浯島，等恁來看覓

　　﹝整理策劃：張國威、邱翌瑄﹞
金門，是一个處處攏藏著驚喜佮媠景的所在。這搭有千年的文化底蘊，有古早祖先生活的痕跡，嘛有番仔樓、古聚落、風獅爺佮戰地遺跡，共浯島的故事編做一篇篇講袂煞的歷史。
行佇浯島的土地頂，海風輕輕仔吹，古厝靜靜仔佇遐等人來聽故事。聽先民過番討生活的艱苦，聽聚落的興衰起落，聽這塊土地一代傳一代的記持。
金門這个有千年歷史的海島，值得咱放慢跤步，認真來感受。用心來體會、用耳來聽、用目睭來看，穿過歲月留落來的迴廊，細膩閱讀浯島、認捌浯島、發現浯島。
來到金門，毋是干焦看風景爾爾，閣是來讀一本寫佇土地頂的冊。每一條巷仔路、每一座古厝、每一个聚落，攏有伊家己的故事，等恁一步一步來發現。
浯島的故事猶未講煞，等恁來看覓。
（資料來源：金門國家公園管理處）