「查某囡仔學犁園，真少；有少數的查某人學犁園，是不得已的代誌。就譬如講，阿啟叔公少年時就去番爿趁食，厝內賰阿啟嬸婆佮兩個囡仔。若是阿啟嬸婆毋去學犁園，田園一定無人通種作，無種作就無收成，著無五穀通食。閣卡好的田園，無偌久也會荒廢成草埔。所以在不得已的情形下，毋去學犁園也袂用矣。」阿乞叔仔說。
「去番爿趁食，撖毋是攏是番客？番客撖毋是會寄錢倒來？阿啟嬸婆會使毋免彼艱苦閣去學犁園。」阿滿仔好奇地說。
「阿啟叔公佇番爿做的是估俚，就是專門替人搬貨、扛貨的工人，也就是咱俗稱的『舉包頭』，所以趁錢有限，寄倒來的錢也就無偌最，毋是每一個落番的番客攏趁真最錢。若是阿啟嬸婆毋去種淡薄仔安茨芋，一家三個一定會有一頓沒一頓的。阿啟嬸婆毋爾會犁園爾爾，也著擔粗擔糞，山倒來了後，閣著煮糜飼豬。講起來可憐啊！」阿乞叔仔不捨地說。
「我有時陣咧想，每一個番爿客，一定攏真有錢。」
「雖然番爿較好趁食，趁大錢倒來起番仔樓的固然有，但是少數。若是一月日有通寄一點仔倒來家事用，已經袂歹啦！毋是每一個番爿客攏是大富人。」阿乞叔仔解釋著說。
「原來按呢喔！」
「汝去牽牛，咱今仔日提早倒來歇睏，賰的明仔日再閣來犁。」阿乞叔仔囑咐她說。
　　「阿爸，阿母可能抑閣咧氣我，若是看著我，一定會閣舉藤條拍我，汝著共我佔一下。」阿滿仔懼怕地說。
「毋通袂記咧，汝已經大漢啦，也讀過書，對無講理的人就佮伊講理。若是伊無張無池想欲拍汝，汝就問伊：『阿母，我撖有做毋著代誌，汝物代無緣無故欲拍我？』，若是伊無講理硬死欲拍，汝就閃開，毋通親像細漢的時陣，恬恬倚咧遐，予伊拍、予伊罵。親像汝今仔日按呢做就著了，汝走，伊一定走袂贏汝，總講一句伊無汝法啦。毋拄著記矣，汝是讀過冊的人，對長輩著謹守分寸，會使心平氣和佮伊講理，袂使伊罵汝一句、汝罵伊一句；伊拍汝一下、汝拍伊一下，按呢就毋對了。著記矣『相罵無好喙，相拍無好手』這句俗語話。」阿乞叔仔為她出主意並提醒她說。
「感謝阿爸的教誨，我一定會記咧汝講的每一句話。」阿滿仔眼眶微紅。
父女倆回到家，阿滿仔懼怕地跟在阿乞叔仔身旁，原以為阿乞嬸仔會舉狂，不是破口大罵，就是拿起藤條鞭打她。想不到她竟然和藹可親地說：「阿滿仔，汝是走去著咧，予阿母揣規埔。」
「阿母，我去山揣阿爸，看阿爸佇犁園啦。」阿滿仔不敢正視她，以為這只是風雨中的寧靜，好戲還在後頭，她不得不小心提防。尤其她擰人的功夫是一流的，只要掐住肌肉，大拇指和食指一扭絞，絕對是烏青積血，要經過一段時間才會消退。
「以後若欲去佗位，一定著先共阿母講，免得阿母耽心。」阿乞嬸仔慈祥地說。
「我以後若是欲去啥物所在，一定會先共阿母講。」阿滿仔說。
阿乞嬸仔在短短的時間做了一百八十度的改變，的確讓阿滿仔受寵若驚。希望這是真實而不是虛假的，是永久而非短暫的，阿滿仔彷彿置身在一個綺麗的夢境裡，竟連阿乞叔仔也頓足停留在原地，等待觀賞這場好戲。而究竟是好戲開鑼，還是歹戲拖棚，就看他們各自的造化了。 （八）