小姐不悅地看了他一眼，但為了收錢，也就沒有計較。
想不到白目的添丁，竟以為她默許，除了撫摸又輕輕地揉捏她好幾下。
小姐扳起臉孔，氣憤地斥責他說：「少年矣，我共汝警告，汝毋通猴跤戲仔手！」
「我輕輕仔挲一下爾爾，汝毋通發脾氣啦！」添丁嘻皮笑臉地說。
「我做恁大姊起、起、起，汝這個猴死囡仔竟然想欲佔我的便宜，我看汝是欠教示！」說後舉起手，毫不客氣地打了他一記耳光。
「汝是咧歹啥潲？」添丁不屑地說，甚至捲起袖子準備還擊。
「汝這個了尾仔囝，欠教示！」小姐隨即拿起掃把，就直接往他的頭上打下，添丁不得不退後閃開。其他三人走近他身旁，然後一起走出冰果室，並異口同聲關心地問：「有怎樣無？」
「衰潲，予伊用掃帚頭拍一下！」添丁摸摸頭，狼狽地說：「我拄輕輕仔共挲一下尻川爾爾，想袂到這篩肖查某恰爬爬，親像一隻虎豹母。講實在的啦，我是看伊奶大粒、尻川翹，才欲挲伊。毋是我咧臭彈，若是看伊這種體型，毋是在室女的啦，一定老早就予兵仔挲過，無定著嘛予兵仔創過，奶才會彼大粒，尻川才會彼呢翹。」
「汝的看法無毋著，親像這種查某，早晚會綴兵仔走。」粗勇說。
「綴兵仔走算伊福氣，毋通予兵仔佚佗佚佗矣、閣共伊放搡，彼聲伊就大聲。」大頭說。
「兵仔喙糊纍纍，一個一個攏嘛是蓋仙，親像冰果室這款查某，若是聽著因的甜言蜜語，無綴因走也袂煞矣！到時戇戇綴人去台灣，才知影是予人騙去，毋偌目屎無塊流，後悔嘛袂赴啦。」火把說。
「親像這款戇查某，著予人共伊教乖，目睭潲才會金！毋通家己認為是美女、是電影明星李麗華、是中國小姐劉秀曼。駛因娘較好咧，挲一下尻川有啥物了不起，竟然豬母變虎，予恁爸誠無面子！」添丁不屑地說。
「莫佮這款查某計較，若無者，會氣死驗無傷。」粗勇說。
「火把，汝去看覓，看伊的錢囥咧啥物所在，等伊關店才來共偷提。咱兄弟仔真久無淋燒酒啦，偷提一點來開銷，好好來去菜館淋一杯。」添丁囑咐他說。
「汝這個主意誠好，看伊生意袂歹，一日的收入尚少嘛有千外篩。若是順利偷提到，到時咱兄弟四個，才來去菜館淋予馬西馬西。」大頭興奮地說。
「火把，汝毋偌看錢囥咧啥物所在，前後門也著稍觀察一下，到時才好落手。也著特別注意，毋通予人看著，若予警察掠去關，彼陣就衰潲。」添丁交代他說。
「毋免汝交代啦，咱也毋是第一次。雖然有時偷最、有時偷少，上好的是逐次攏順順利利，毋捌失過手。這種免本的生意，是欲去佗位揣咧。」火把信心十足地說。
「汝火把猴跤猴手，眾人知影。偷最偷少攏袂要緊，偷最錢咱淋高粱酒，偷少錢咱淋米酒頭仔，有燒酒通淋就好。講實在的啦，咱攏嘛著感謝汝。」大頭說。
「逐家朋友一場，俗語話講：『有福同享、有難同當』，感謝兩字毋免講啦！」火把率性地說。
「好，咱就是按呢講定著，十點宵禁以前，彼個肖查某伊就會關店門。到時粗勇負責撬門，火把入去內面共櫥屜的鎖撬開，我佮大頭踮門口的柱仔邊看有人來無。若是有人來，我就拍一聲噗仔，彼陣汝著注意。櫥屜內無管大張細張一篩五角，攏總著共掃光光，予寸草不留。記矣，提著錢趕緊走出來，萬一袂拄好予人掠著，彼聲就去了了。」添丁再三地交代著說。
「汝毋免驚啦，無可能會予人掠著，咱做賊偷提別人的錢也毋是這次爾爾。雖然有時最、有時少，但是每一次攏嘛順利仔順利。汝毋免想傷最啦！」火把無懼地說。
「細膩無蝕本，無予人掠著是咱的運氣好，也是註因衰潲。毋通袂記矣，宵禁了後攏有兵仔佇巡邏，咱家己的目睭潲著展較金矣，毋通攏予人掠掠去死，彼陣欲哭就無目屎。」添丁提醒他們說。
「袂啦，袂彼衰潲啦！」火把信心滿滿地說。
「按呢就看汝啦！」添丁露出一絲喜悅的笑容。

（一三）