「闊喙玉仔講的無毋著，副營長來予伊招的時陣，翠英才三十外歲，若毋是副營長老啦，無膏啦，物代嘛會袂生？講實在的啦，查甫人彼項代誌上袂假的；袂用的就是袂用的，無膏就是無膏，袂騙人矣！」羊哥嫂仔說。
「以我的看法來講，翠英死翁了後，無管是欲擱嫁抑是欲招入來，實在著揣一個較少年的才著，想袂到伊揣一個七老八老的老北貢。雖然老北哥有淡薄仔錢，但是抑擱有一項比錢較重要的，因為伊抑擱少年，對彼項代誌抑擱有需要。咱攏是查某人，知影查某人的心理，嫁翁以後已經體會著彼種滋味，若是久久無佮查甫人溫存，嘛是有一種講袂出喙的鬱卒。予恁講，我講的著、抑是毋著，有影、抑是無影？」豬母也笑著說。
「夭壽豬母也，汝嘛毋通講講彼袂見笑的話，撖講汝臉袂紅？袂歹勢？」闊喙玉仔取笑她說。
「歹勢啥物，有啥物通歹勢的。無人比查某人擱較瞭解查某人的生理；予恁講，撖毋是按呢？我若是翠英，一定會揣一個較少年的查甫人，袂揣揣彼七老八老的老北貢！」豬母也理直氣壯地說。
「夭壽喔，汝若講予翠英佮副營長聽著，伊娶新婦就毋請汝，予汝無燒酒通啉、無好料的通食！」羊哥嫂仔笑著提醒她說。
「鄉里若是嫁查某囝、抑是娶新婦，一家請一個查甫、一個查某，從古早到這陣攏是按呢，啥人敢共伊改變？所以講翠英伊毋敢毋請我啦，無定著會叫我去坐大位！」豬母也笑著說。
「叫汝去坐大位？可惜汝無喙鬚。我看汝毋通彼袂見笑，若真實叫汝這個無鬚老大去坐大位，會予人笑半死！豬母也，汝戇戇想、沓沓仔等，較早睏的較無蠓啦……。」闊喙玉仔笑著說，眾人聽後情不自禁地哈哈大笑。
明川和素梅的八字一拍即合，於是做媒人的罔腰姑仔開始穿梭在男女雙方的家中，首先是訂婚，然後再擇一個黃道吉日結婚。儘管說來簡單，但置身在傳統的鄉村，還是有許許多多的習俗必須遵循，由不得當事人擅自把它簡化。其他不用說，總得殺豬羊敬天公吧！而翠英和副營長加上新郎明川，三個人有多少力氣能把豬欄裡的大肥豬抓出來殺？而且還要雇車請樂隊，安排男儐相，以便熱熱鬧鬧去迎娶。（二二）