「有病趕緊看醫生按呢就著，若是延醫予病情惡化，彼個就毋是滾笑的。佳哉早日發現，才會彼呢緊就好起來，實在是福氣。彼魚佮肉，是欲予汝調養身體的，用無偌濟錢。若是味口好、食會咧落，就加食一點仔，體力才會較緊恢復。」福生哥囑咐著說。
「福生兄，玉卿嫂抑未倒來的時陣，汝來我兜食糜，衫褲也會使提來予我共汝洗。」秋霜誠懇地說。
「袂用的按呢啦。雖然我共汝湊跤手，但是鄉里內彼八卦婆，老早就咧講三講四。若是去恁兜食糜，擱予汝共我洗衫，萬一予■知影，就費氣啦！講實的，無管是煮糜、洗衫，抑是厝內的工事，我攏會曉做，汝毋免替我擔心啦。」福生哥嚴肅地說。
「汝的顧慮毋是無理由的，這點我會理解。咱鄉里雖然無偌大，但是有真濟愛講人閒話的大舌頭，有時聽聽就煞煞去，因為喙生佇別人的身上，咱無法度通共伊的喙摀起來，叫■毋通講。總講一句，咱若是問心無愧就好，賰的毋免佮■計較。」秋霜感慨地說。（一二）